Hoxe é Mércores 2 de Decembro de 2020

Máis solo industrial e a supresión da peaxe na AP-9 son as principais demandas dos empresarios

RR_Noticias

Os empresarios de Redondela expuxeron onte as súas necesidades ó novo presidente da patronal provincial, Luís Novoa. O emprego é a principal preocupación da Asociación de Empresarios de Redondela, xa que o paro no municipio é case dun 30%. Entenden que a posta en marcha do PXOM coa construcción dun parque industrial favorecería a creación de emprego.

José Antonio Gómez, presidente da Asociacción Empresarios de Redondela (AER), explicou que a carestía de chan dedicado a actividade empresarial supón unha grave deficiencia que impide que se desenvolva a economía en Redondela, obrigando a moitas empresas a establecerse fóra dos seus límites. Pon como exemplo o polígono de Mos, onde se están a instalar novas naces industriais, algo polo de agora imposible no Concello de Redondela. Isto supón freo para o emprego, moito máis elevado en Redondela que noutros municipios da bisbarra. A eliminación da peaxe da AP-9 entre Vigo e Redondela é outra das vellas reivindicacións da Asociación de Empresarios de Redondela, que lamenta o “agravio comparativo” cos municipios do Morrazo, que non pagan peaxe. Gómez denuncia que a parroquia de Chapela, que padece os prexuízos polo paso da autoestrada, non se ve compensada coa liberalización da peaxe. A planificación dos plans de formación de cara á próxima convocatoria tamén acaparou parte do encontro. Gómez Pérez expresou o especial interese dos seus asociados pola formación orientada ao comercio, a hostalaría, a prevención de riscos laborais e a internacionalización. Pola súa banda, Novoa Díaz, animounos a presentar á CEP as súas necesidades prioritarias, co obxectivo de presentalas conxuntamente ante as autoridades provinciais e autonómicas. Precisamente, ese é un dos obxectivos da toma de contacto coas asociacións territoriais que o novo presidente da CEP emprendeu con esta rolda de visitas institucionais.  

José Antonio Gómez presidente da AER
A fala de solo industrial condena a Redondela a ter unha elevada taxa de paro.
Eliminación da peaxe Vigo-Redondela
Para a patronal redondelá a peaxe da AP-9 supón un agravio comparativo on outros municipios da área metropolitana.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *