Hoxe é Mércores 25 de Novembro de 2020

Xeira arqueolóxica nocturna en Amoedo

RR_Noticias

O paseo arqueolóxico será mañá venres, 23 de agosto, ás 21:30 horas desde a Casa Cultural de Amoedo, da man do arqueólogo e divulgador Xosé Lois Vilar, do Instituto de Estudios Miñoranos. El será o encargado de darlle a coñecer a todos os participantes a arte rupestre máis representativa da parroquia de Amoedo, en Pazos de Borbén.

A actividade comezará na propia Casa Cultural de Amoedo, na que Vilar disertará sobre arqueoloxía e patrimonio galego antes de saír de ruta pola recentemente creada “Senda Arqueolóxica de Amoedo”. Os organizadores animan ao público de todas as idades a participan nesta xornada de lecer para coñecer a riqueza patrimonial do país. Ao tratarse dun percorrido nocturno tamén recomendan levar unha lanterna e algo de abrigo “por se refresca”. En todo caso a senda pode ser visitada a calquera hora por todos aqueles que así o desexen. Trátase dun percorrido que, no caso de deterse en todos os petroglifos e mámoas que o compoñen, pode levar varias horas. Tamén hai un foxo do lobo, pero nestes momentos non se atopa en condicións de ser visitado xa que a senda, nalgúns tramos, aínda se atopa en fase de construción.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *