Un ciclista resultou ferido de carácter leve ao ser atropelado na mañá de onte martes na avenida de Redondela, na parroquia de Chapela. O suceso tivo lugar ás 12.29 horas, e foron mobilizados Garda Civil de Tráfico, o Grumir de Redondela e o 061.
Finalmente o Grupo Municipal de Intervención Rápida e as Urxencias Sanitarias non se desprazaron xa que o ciclista fora levado ao centro de saúde da zona. O accidente produciuse á altura do número 69 da Avenida Redondela, na parroquia de Chapela.
