Hoxe é Luns 27 de Setembro de 2021
History
Stations
NOTHING FOUND!

Entidades musicais redondelás recibirán 10.000 euros da Deputación para vestiario e instrumentos

RR_Noticias

Son un total de 11 agrupacións da localidade as que recibirán estas axudas, que o organismo provincial tamén concedeu a outros colectivos musicais de Fornelos de Montes e Soutomaior. Estas axudas teñen como obxectivo apoiar a cultura, fomentando e promovendo actividades culturais como as que desenvolven as bandas de música, grupos de gaitas, corais, agrupacións de baile, pandereteiras e outras asociacións culturais.

En Redondela foron 11 as entidades beneficiadas, cunha achega de 9.997 euros. Trátase do Grupo de Baile Anaquiños, a Asociación Cultual e Social de Chapela, Círculo Cultural e Recreativo de Chapela, Centro Social, Deportivo e Cultural Chan das Pipas, Asociación de Mulleres Arela de Saxamonde, Círculo Cultural e deportivo de Cesantes, Coral Alvedosa, Coral Polifónica Ondas do Mar de Vigo, Centro Social, Cultural e Recreativo de Cedeira, Asociación Cultural de Pandereteiras e Choqueiras de Redondela e Asociación Cultural de Froles Mareliñas. A entidade de Fornelos de Montes Anduriña recibiu 801 euros, e a Agrupación Musical Artística de Arcade 956 para a adquisición de instrumentos. Vigo foi o concello máis beneficiado da bisbarra por esta liña de axudas, xa que se concederon 22.379 euros en subvencións para un total de 26 entidades.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *