Hoxe é Sábado 28 de Novembro de 2020

Circo, teatro e maxia no XIV Festival Internacional de Artistas de Rúa

RR_Noticias

A Alameda de Redondela congregará na tarde noite do venres e sábado a artistas chegados de diferentes puntos do planeta que amosarán aos veciños espectáculos diversos que van dende o teatro ata o circo pasando pola maxia, as performances ou a mímica. Cuba, Colombia, Portugal, Ecuador, Francia, Arxentina e Galicia contarán con representantes nesta XIV edición do Festival.

O director do Festival, Luís Crespo, explica que se mantén a filosofía de anos anteriores que busca que os espectáculos de ambientación- con artistas que traballan de xeito continuado- convivan con actuacións puntuais de circo, teatro e maxia. Un xeito de programar que garante que durante toda a tarde dende as 20:00 horas calquera que se achegue á Alameda de Redondela se atope con diferentes actividades que se celebran paralelamente. A programación arrancará ás oito da tarde do venres co showman cubano Raul Martínez, nunha xornada na que haberá circo coas compañías Los Kikolas e Assircópatas e maxia coa compañía Mesa Máxica. O espectáculo Electrikmim será o encargado de pechar a xornada unha proposta a cargo de Manolo Carambolas, un mimo showman chegado dende Andalucía e gañador da 5ª edición do “Tu si que vales”. O sábado os primeiros en actuar serán os arxentinos Chimichurri Circo que reclamarán a complicidade do público do mesmo xeito que o fará o showman Mariano Guz. Durante toda a tarde haberá tamén xogos tradicionais coa ludoteca Casa dos xogos e a música da Fanfarria Taquikardia será a encargada de poñer o punto e final ao Festival cun concerto a unha da madrugada.  

Luis Crespo director do festival
Programación continuada dende as oito da tarde
Manolo Carambolas
O seu espectáculo pecha a programación do venres
Circo participativo
O humor e a colabboración son fundamentais nos espectáculos circenses do sábado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *