A praza da Constitución acolle esta tarde ás 20:00 horas un acto de promoción do Consumo no comercio local a cargo do colectivo Sen Ghasoil. Presentarase neste acto diferentes actividades que organiza este colectivo de cara a favorecer que os veciños da vila fagan as súas compras nas tendas de Redondela.
Baixo o lema “Non busques fora, consume no pequeno comercio” Sen Ghasoil quere concienciar aos veciños da importancia de facer as súas compras no pequeno comercio porque, entre outras cousas “favorece o fomento da economía local, axuda a manter e xerar emprego e supón tamén un xesto que inflúe positivamente no medioambiente, xa que evita que empreguemos o coche e, polo tanto,diminúe a contaminación”.
O colectivo ven de dar a coñecer aos gañadores do 1º concurso fotográfico A Redondela dos Porcos. Recibíronse 19 fotos que trataban temáticas diferentes: dende a foto denuncia que recollía os actos incívicos dos cidadáns así como fotos artísticas.
A imaxe gañadora foi a titulada “Cerdeza” de Kike Martínez seguida polo “Amor entre porcos” de Imelda Barrio. Tania Martínez coa “Festa da Coca” resultou merecedora do terceiro premio.
