Hoxe é Venres 24 de Setembro de 2021
History
Stations
NOTHING FOUND!

Redondela arderá na noite de San Xoán

RR_Noticias

Colectivos veciñais, asociacións culturais e centros parroquiais así como particulares súmanse un ano máis ás tradicionais celebracións de San Xoán. Así o acreditan os 45 permisos concedidos pola Concellería de Medio Ambiente de Redondela para a celebración doutras tantas fogueiras na noite do 23 ao 24 de xuño.Uns lumes completamente excepcionais nunha noite máxica que se enmarca nun período no que por condicións meteorolóxicas a administración non está a conceder permisos para queimas co obxectivo de evitar posibles complicacións.

Precisamente para controlar que se cumpra a normativa e que non se produzan incidentes, o departamento de Medio Ambiente establece unha serie de normas de obrigado cumprimento para todos os que prendan algunha fogueira nesa noite. Normas que inclúen a prohibición de facer cacharelas que superen os 8 metros de diámetro e os 3 metros de altura ou nas que se queimen pneumáticos, plásticos, aceites e, en xeral, calquera substancia que poida desprender fumes tóxicos.
Practicamente cada parroquia contará coa súa fogueira. En Rande a Asociación Cultural e deportiva promete unha noite de música e troula en Meirande onde non faltará o pan, as sardiñas e a tradicional queimada para todos os asistentes. En Saxamonde tamén o domingo a partir das 22:30 horas no Chan das Pipas non faltará a festa e a música das gaitas co grupo Terras de Saxamonde.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *