Hoxe é Mércores 28 de Outubro de 2020

Novos atrasos nas axudas ás actividades culturais por estaren condicionadas aos orzamentos

RR_Noticias

O Concelleiro de Cultura Julio Alonso lembra que as bases de subvencións para actividades culturais a centros e asociacións “xa están feitas e entregadas” malia que a súa aprobación está condicionada a que se aproben os orzamentos municipais, algo que non sucederá aló menos no prazo dun mes. Dende a Plataforma en defensa da cultura critican o “atraso acumulado que vai ocasionar serios problemas ao desenvolvemento de moitos eventos culturais”.

As bases reguladoras para a concesión de subvencións para actividades culturais a centros, asociación e entidades está “feitas e entregadas” así o aseguraba o concelleiro de Cultura Julio alonso quen apuntaba tamén que en total está prevista unha partida de 40.000 euros que sería repartida entre os colectivos que optan a estas axudas. Sen embargo a concesión desta subvención vaise demorar ata que non se aprobe o orzamento municipal algo que, como mínimo, non acontecerá ata dentro dun mes cando se resolva a situación de gobernabilidade en Redondela pendente dunha posible moción de censura. Mentres a Plataforma en defensa da cultura reitera as súas críticas por uns atrasos que fan moi difícil que as axudas poidan ser outorgadas a tempo este ano o que vai ocasionar “serios problemas a moitos eventos culturais que se organizan en diferentes puntos do Concello de Redondela. Unha situación que de non correxirse, malogrará o abano cultural no presente ano. Critican tamén que ditas bases se estean “difundindo de xeito aleatorio entre asociacións e particulares, sen realizar unha exposición pública organizada e transparente” Respecto das bases, a Plataforma reclama tamén cambios nos criterios de avaliación de proxectos. Critican a existencia dun criterio que puntúa a colaboración desinteresada con actividades desenvoltas polo servizo de Cultura, ou sexa, actividades cuxa responsabilidade de programación recae sobre a Concellería de Cultura, para o que conta xa con orzamento específico. Solicitan tamén que na comisión de valoración se inclúan persoas con relación ou coñecemento específico en temas culturais e a inclusión dun criterio que valore o “Carácter innovador de novas propostas”. Finalmente demandan que no caso da denegación de axuda se realice una xustificación do ditame.  

Julio Alonso Concelleiro de Cultura
Asegura que as bases están feitas pero pendentes da aprobación dos orzamentos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *