Hoxe é Martes 1 de Decembro de 2020

Javier Bas:”Non tomarei a iniciativa, toca esperar e ver se o PSOE presenta unha moción de censura”

RR_Noticias

Asegura non arrepentirse de ter presentado unha cuestión de confianza vencellada aos orzamentos malia que agora o seu mandato dependa dun eventual acordo entre os grupos da oposición. Acordo que podería desaloxalo da alcaldía antes do 6 de xullo. Amósase disposto a negociar con calquera grupo pero engade que non tomará a iniciativa para evitar malentendidos. Fai un chamamento aos socialistas “que deberían escoitar aos veciños e asumir que o que quere a rúa é que se apoie a xestión do actual equipo de goberno”.

Javier Bas insiste en que a decisión de presentar unha cuestión de confianza “non foi un impulso” senón unha decisión moi meditada ante a imposibilidade de sacar adiante uns orzamentos “imprescindibles para acometer este ano os investimentos que necesitamos para seguir avanzando no noso proxecto” e que pasan polo Plan Marisma, o saneamento, o paseo de Cesantes e un novo pavillón de deportes. Non escatima críticas para a oposición. Por unha banda, dos socialistas opina que fan “un xogo de malabares e de trileros” sen aportar nada. Ao BNG acúsaos de “antepoñer os intereses do seu partido aos dos veciños independentemente de si é bo ou malo para Redondela·”. Mías indulxente amósase con AER que “si colaboraron nos orzamentos facendo as súas achegas, moitas das cales foron asumidas por nós” e insiste en que a presentación da cuestión de confianza foi “a única opción posible logo de esgotar toda vía de negociación que estivo aberta durante meses” e non “un acto de prepotencia ou unha xogada de axadrez como nos acusaron dende algún partido”. Finalmente lembra que está disposto a sentar con calquera grupo pero que non tomará a iniciativa porque “poderían acusarme de botar o órdago e actuar por temor a perdelo”.  

Entrevista a Javier Bas
O rexedor responde á diferentes cuestións relacionadas coa situación da política local

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *