Hoxe é Venres 30 de Outubro de 2020

Javier Bas “O noso apego ao sillón non é a calquera prezo”

RR_Noticias

Con estas palabras o alcalde de Redondela anunciaba a presentación dunha cuestión de confianza vencellada aos orzamentos e que se vai debater nun pleno extraordinario convocado para mañá xoves día 6 ás 19:00 horas. O rexedor local adoptaba esta decisión logo de que os grupos da oposición rexeitaxen o orzamento municipal para o 2013, unhas contas que para Bas era imprescidible aprobar “para poder facer unha Redondela con maiúsculas”.

O voto en contra de PSOE, BNG e AER impedía ao goberno local sacar adiante o orzamento. Unha situación que deixaba basicamente dúas alternativas aos populares: prorrogar os actuais orzamentos ou facer uns novos e iniciar unha nova rolda de contactos cos grupos da oposición para tentar así sacar adiante as contas para o presente exercicio. Dúas opcións que non convencen ao grupo de Javier Bas que optou por unha terceira vía: presentar unha cuestión de confianza vencellada aos orzamentos. Aseguraba Bas que “os orzamentos presentados son os que necesita Redondela agora e que a súa aprobación é imprescindible para facer unha Redondela con maiúsculas”. Engadía o rexedor que con esta decisión queren tamén “facer ver que o noso apego ao sillón non é a calquera prezo”. No caso de que a oposición rexeite no pleno de mañá os orzamentos e a cuestión de confianza presentada por Bas, os tres grupos contarán cun mes de prazo para consensuar e presentar un candidato á alcaldía e un orzamento alternativo. De non facelo nese prazo, o orzamento dos populares aprobaríase automaticamente.  

Javier Bas alcalde
Cuestión de confianza

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *