Hoxe é Martes 24 de Novembro de 2020

O Banco Pastor pide o compromiso dos futuros clientes para se instalar en Chapela

RR_Noticias

Os veciños interesados en contar cunha oficina bancaria na Avenida de Redondela están chamados a asinar unha “declaración de intencións” na que amosen o seu compromiso a trasladar as súas contas bancarias ao Pastor se esta entidade abre unha sucursal na zona alta da parroquia.

O Pastor estuda abrir una oficina bancaria na Avenida de Redondela que atendería a todos os veciños da zona alta da parroquia de Chapela logo de que quedaran sen este servizo tralo peche da oficina de Novagalicia Banco a principios de maio. Malia o interese manifestado polo Pastor nunha reunión mantida cos veciños o pasado venres, a entidade solicita un compromiso que lles garanta a viabilidade do negocio. Por este motivo, durante toda a semana as persoas interesadas en contar cunha oficina bancaria na zona alta da parroquia poden deixar os seus datos en horario de 19:00 a 21:00 horas no Multiusos do Piñeiral. Unha “declaración de intencións que non compromete a ninguén” segundo explica Roberto Villar dende a Asociación de Afectados pola Ampliación da AP-9, pero que no caso de contar con moitos apoios garantiría que o Pastor se decida finalmente a abrir dita sucursal.  

Roberto Villar voceiro
O Pastor solicita o compromiso dos veciños para abrir unha oficina.
Oficina-axencia
A nova sucursal permitiría ós clientes facer todas as xestións de caixa na Avenida de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *