Hoxe é Xoves 24 de Xuño de 2021

Detido un veciño de Redondela como autor dun roubo nun centro deportivo de Peinador

RR_Noticias

O detido, de 44 anos de idade e veciño de Redondela tería accedido aos vestiarios a través dunha fiestra rebentando as pechaduras de dezasete taquillas das que se levou varias caixas de pelotas de golf cuxo importe ascende a máis de 2.500 euros. A Policía Nacional detivo ao presunto autor do roubo na mañá do mércores nas proximidades do lugar no que se tería cometido o furto.

O roubo tivo lugar o pasado 3 de maio segundo a denuncia presentada polo responsable do Centro Deportivo de Peinador quen manifestou o roubo en dezasete taquillas dos vestiarios do seu centro e o roubo de varias caixas de pelotas de golf cuns gastos totais de 2.500 euros.
Despois dunha completa investigación e de analizar as diferentes probas os investigados concluíron que o autor dos feitos era un varón veciño de Redondela que tería accedido ao centro a través dunha fiestra situada na parte superior dos vestiarios evitando así os sistemas de alarma e vídeo vixilancia. A localización do presunto autor tivo lugar na mañá do mércores, procedéndose a súa identificación, detención e posterior traslado a dependencias policiais.
O detido, que pasou xa a disposición do Xulgado de Instrucción número catro de Vigo conta con cinco antecedentes anteriores.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *