Hoxe é Sábado 31 de Outubro de 2020

O grupo local “Sete cuncas” ofrece un concerto xunto cos tres finalistas do Millo Verde

RR_Noticias

A feira do gando acolle este venres ás 22:00 horas o concerto do que sairá o gañador do VI concurso de Maquetas Millo Verde. Os finalistas son os grupos Os Mordecáns, a Banda de Andrelo e Seper. O prezo da entrada é de 3 euros con dereito a voto.

Os organizadores do Concurso amosan a súa satisfacción logo de superar este ano a participación de edicións anteriores cun total de 47 maquetas de todos os estilos. Os finalistas de entre os que este venres se elixirá o gañador son tres: a banda de Andrelo, un grupo procedente de Vigo que ofrece no seu repertorio temas nos que mesturan funk con ska e rumba catalana, Os Mordecáns de Porto do Son grupo que define a súa música como “rumba catalana con influencia de ritmos latinos e mestura doutros estilos como o reggae, o funky ou o ska. O terceiro aspirante ao premio é Seper, un mozo de Vilaboa que ofrece música tranquila mestura de reggae e rap. Complétase o concerto coa actuación do grupo local “Sete cuncas” que actuarán fora de concurso amenizando a espera ata que se coñeza o gañador deste edición. A entrada ao concerto curta 3 euros máis vaso e outorga ao público dereito ao voto. Os ganadores do concurso ademais de participar no Festival Alternativo Millo Verde que se vai celebrar os días 7 e 8 de xuño en Redondela, recibirán ademais como premio 300 euros en metálico. Dende a Asociación Millo Verde teñen practicamente pechado o que será o festival do verán con presenza de oito grupos entre os que xa están confirmados Güintervan, os holandeses The Bucket Boyz ou os galegos Foxy Freire entre outros. O festival Alternativo celebrarse este ano os días 7 e 8 de xuño e no programa inclúense actividades ao aire libre que se desenvolverán na Alameda e no río Maceiras.  

Ricardo Figueroa MIllo Verde
Tres finalistas no concurso de maquetas que medirán as súas forzas este venres
Festival Alternativo
Un cartel case pechado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *