Hoxe é Mércores 25 de Novembro de 2020

O Colectivo republicano conmemora o aniversario da II República coa película Assalto ao Santa María

RR_Noticias

Co gallo de conmemorar o aniversario da II República, da que o vindeiro 14 de Abril se cumpren 82 anos, o Colectivo Republicano de Redondela realiza diferentes actos nesta fin de semana que inclúen unha proxección cinematográfica e unha ofrenda floral no cemiterio de Os Eidos.

O colectivo republicano proxecta a película Assalto ao Santa María, unha película de Francisco Manso e que conta entre os seus actores coa interpretación do redondelán Miguel Borines. A proxección será este sábado 13 ás 20:30 horas na Sala Discotasca. A  cinta conta a historia de Zé un mozo emigrante portugués que no 1960 pasa por un período difícil na Venezuela. O mozo entra en contacto co capitán Henrique Galvão, un dos mais destacados opositores do rexime do dictador Salazar. Fascinado por Galvão, Zé xuntarase cun grupo de exiliados políticos portugueses e galegos que baixo a dirección do militar portugués preparan a mais sensacional acción levada a cabo:o asalto e ocupación do buque «Santa Maria». O asalto comeza o 21 de xaneiro de 1961 e leva Henrique Galvão e os seus homes a navegar pelo Atlántico Sur durante once días perseguidos pola mariña americana e a prensa internacional nun intento de trasladar ao mundo unha mensaxe de liberdade e esperanza contra as ditaduras da Península Ibérica. As actividades do colectivo republicano continuarán o domingo cunha ofrenda floral na foxa común do cemiterio dos Eidos a unha do mediodía e a continuación ofrenda floral na praza da II República. Nesa mesma xornada celebran un xantar republicano no furancho de Moncho, en Nespereira-Pazos de Borbén. O prezo é de 15€ e é preciso incribirse no teléfono 682152025.  

Assalto ao Santa María
Trailer

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *