Hoxe é Sábado 24 de Outubro de 2020

Maxia solidaria no Multiusos

RR_Noticias

Yessi e Alex son os protagonistas da gala benéfica que se desenvolverá este domingo día 31 no Multiusos da Xunqueira. Unha actividade organizada polo mago Rodri Vegas e que busca recadar fondos para custear os tratamentos médicos que necesitan estes dous rapaces. O prezo da entrada é de tres euros. As funcións serán ás 17:00 e ás 19:00 horas.

Esta é a segunda edición dunha gala que o ano pasado recadou fondos para Alex, un neno vigués que padece parálise cerebral e que necesita someterse a custosos tratamentos para mellorar a súa calidade de vida. Nesta segunda edición, os cartos obtidos coa venda das entradas repartiranse tamén coa familia de Yessi, unha moza de 17 anos e veciña de Redondela, para lles axudar a conseguir un diagnóstico e un tratamento para a enfermidade neurodexenerativa que mantén a esta moza nunha cadeira de rodas. O mago Rodri Vegas, coordinador da actividade xunto coa Asociación Redexove do Concello, fai un chamamento aos veciños a se achegar á gala do domingo para “encher o Multiusos de espectadores e de ilusión” nunha cita máxica que contará coa presenza dun nutrido grupo de magos, como o redondelán Eloi Crespo, Oscar Martínez, o Mago Noel, Mago Eloi, o portuguéz Mago Xulio e o coruñés Kiko Pastúr, un dos mellores magos de España tal e como o acreditan os numerosos premios e recoñecemento que ten recibido. Haberá tamén moitas risas coa maxia cómica do Paiaso Popín. Dende o Concello, a edil responsable de Servizos Sociais, Tersa París, facía un chamamento aos veciños para participar deste día solidario. O pai de Yessi agradecía a implicación tanto do Concello como a nivel persoal de Rodri Vegas e lembraba a difícil situación pola que está a pasar a súa familia que se enfrontan á falta dun diagnóstico para a enfermidade da súa filla, unha nena completamente normal ata os sete anos de idade e que a partir dese momento comeza a sufrir un paulatino deterioro nas súas capacidades corporais. Malia as reiteradas probas médicas ás que se ten sometido, Yessi continúa sen ter un diagnóstico concreto que permita atacas a súa enfermidade, unha doenza das consideras raras, xa que ela podería ser a única no mundo en padecela. Unha peregrinaxe por diferentes hospitais e especialistas que aínda non ten dado resultado. Agora o obxectivo é trasladarse a un hospital norteamericano especializado no diagnóstico das enfermidade. Recollida de tapóns Ademais de actividades concretas como a deste domingo no Multiusos, a familia de Yessi ten en marcha tamén unha campaña de recollida de tapóns que os levará a poñer colectores en supermercados, autobuses e outras tendas como Decatlon ou El Corte inglés.  

Rodri Vegas organizador do evento
Explica os motivos do festival
Magos participantes
Un elenco de magos de recoñecido prestixio
Teresa París edil de Servizos Sociais
A concelleira anima aos veiños a se achegar a cita do domingo
Hermi Martínez pai de Yessi
Explica cal é a situación de Yessi
Unha peregrinaxe médica
Están pendentes de máis probas e dunha posible visita ao hospital NIH de EEUU

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *