Hoxe é Luns 26 de Outubro de 2020

A AA.VV. de Chapela agarda que a mobilización de todo o municipio pare o proxecto de Fomento

RR_Noticias

A presidenta do colectivo, Ángeles Méndez, amósase “esperanzada” logo das mostras de apoio dos partidos políticos e asociación. Agora agarda que o Ministerio de Fomento “escoite” o rexeitamento unánime á ampliación da AP-9 ao seu paso por Chapela e dea marcha atrás a un proxecto que é unha “aberración” para a parroquia, ademais de resultar “inútil” para resolver os problemas de tráfico nos accesos a Vigo.

Desde a Asociación de Veciños piden agora que as “boas palabras” dos partidos políticos manifestadas no pleno do pasado luns se transformen en “feitos”. Méndez confía en que na manifestación do día 2 de marzo todos se poñan detrás da pancarta “en primeira fila”, para defender os intereses dos veciños. Para a presidenta o máis importante é demostrar ó Ministerio de Fomento que neste asunto están “todos unidos”. Insiste Méndez unha vez máis en que a autoestrada supón un grave prexuízo para a parroquia, que non se ve recompensada de ningunha maneira. Unha vez máis esixen a Audasa, a empresa concesionaria, a cumprir coa normativa e correxir eses defectos coa construción dun falso túnel, o que suporía “soterrar” a vía onde sexa posible. Tamén demandan outras contrapartidas que consideran “de xustiza”, como a gratuidade do tramo entre Vigo e Rande e a habilitación dunha saída da AP-9 a altura das Torres de García Padín.  

Ángeles Méndez presidenta da AA.VV.
Os veciños confían en paralizar o proxecto se contan co apoio de todo o municipio.
Contrapartidas para Chapela
A asociación veciñal reitera as súas vellas reivindicacións.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *