A Plataforma de Afectados por Preferentes e Subordinadas de Redondela e comarca pídelle a Javier Bas que xestione unha entrevista entre o ministro de Economía e os alcaldes galegos para buscar unha solución e reclamarlle a devolución íntegra dos seus aforros.
Logo do acordado ao remate do pleno extraordinario celebrado o pasado mércores, cando o rexedor se comprometeu a solicitar unha entrevista co goberno central, desde a plataforma pídenlle agora que unha comisión de alcaldes de toda Galicia con representación de todos os partidos e representantes de plataformas se reúna co ministro de Economía para esixirlle unha solución ao tema das preferentes e subordinadas. Propoñen que esta reunión se realice en Galicia, xa que consideran que tería maior repercusión e para demostrarlle ao ministro que non sons “inversores”, senón aforradores que foron estafados polo banco.
