Hoxe é Luns 26 de Outubro de 2020

O alcalde redondelán solicitará unha entrevista con Rajoy e De Guindos para falar das preferentes

RR_Noticias

Javier Bas porase á cabeza dos alcaldes da provincia para tentar buscar unha solución aos afectados por preferentes e subordinadas. Onte comprometeuse coa plataforma de Redondela a facer as xestións para viaxar a Madrid con outros alcaldes da bisbarra e reunirse co presidente do goberno e o ministro de Economía. Os afectados entenden que agora que Novagalicia Banco está nacionalizado deber ser o goberno central o que lles dea unha solución.

O rexedor asumiu este compromiso a petición dos afectados da plataforma tras o pleno extraordinario convocado para expresar o apoio e a solidariedade de toda corporación a este colectivo de aforradores que reclaman a devolución dos seus aforros. Na moción presentada polo colectivo a corporación redondelá comprométese a dirixirse á Xunta e Goberno, así como o Banco de España e FROB, para esixir destes organismos unha solución xeral e íntegra de todos os casos de preferentes e subordinadas, sexa mediante resolución, orde ou outro recurso xurídico. Por outra banda, os afectados preparan unha gran mobilización na que agardan que estean presentes os alcaldes e concelleiros dos municipios da comarca. A manifestación está convocada pola coordinadora de plataformas de Galicia para o vindeiro sábado día 2 de febreiro en Santiago. Todas as persoas que estean interesadas en participar poderán viaxar nos autobuses que están contratados para esta data e que terán saída ás 11,30 desde a Alameda de Redondela e que levará aos manifestantes até a residencia do presidente da Xunta.  

Compromiso cos afectados
O alcalde responde á petición da plataforma de afectados.
AER Jorge Varela
AER pide resposabilidades ós políticos e banqueiros.
BNG Cecilia Pérez
O BNG pide unha solución política ao problema.
PSOE Luis Orge
Os socialistas insisten en que a solución ten que vir do goberno central.
PP Alberto Pazos
O goberno local comprométese a facer todo o posible para axudar ós afectados.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *