Hoxe é Sábado 24 de Outubro de 2020

O Redondela FS comeza a segunda volta na casa do líder logo da incorporación de Julio Mougán

RR_Noticias

O pavillón Óscar Pereiro acolle o encontro deste sábado ás 18.00 horas entre o Autos Leiros Concello de Mos e o equipo redondelán. Logo da vitoria da pasada semana conseguiron saír dos postos de descenso, pero saben que un resultado positivo en terras mosenses é “moito máis complicado”.

O técnico redondelán Julio Mougán é consciente de que se trata dun rival “que non é da nosa liga” pero amósase convencido de que os rapaces “sairán a competilo” e farán o mellor xogo posible. Con todo, salienta que o máis importante e seguir acumulando sesións de traballo para adquirir o máximo rendemento “e afrontar con garantías” o resto da segunda volta para garantir a permanencia. Para este encontro terá todo o cadro a disposición, salvo o porteiro Iván por sanción e a dúbida de Borja, polo que a convocatoria é: Naka, Jorge, Tizón, Dani, Miguel, Manoliño, Portillo, Pedro, Champi e Iago. O regreso de Mougán supuxo “unha gran nova” para o club, logo de cinco anos traballando con equipos de Lanzarote e Ibiza. Agora quere compartir a súa experiencia co Redondela F.S. e axudar a sacar adiante todas as categorías. O seu regreso coincidiu cunha vitoria por 2-3 diante do Cafetería Luar en Ponteareas, pero o técnico cualifica a coincidencia como “anecdótica” e sinala que a vitoria é o resultado do traballo que veñen facendo ó longo de toda a temporada. Agora o seu traballo no club será tanto cos xogadores como cos técnicos do club. Sinala que o importante non son só os resultados, senón inculcar nos mozos “os valores do deporte”, e apoiando ós equipos de todas as categorías.  

Julio Mougán adestrador
Co seu regreso ao F.S. Redondela agarda poder achegar experciencia e ilusión ó equipo.
Autos Leiros-Redondela F.S.
Os redondeláns comezan a segunda volta na casa do líder en Mos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *