Hoxe é Martes 11 de Maio de 2021

Comeza a construción de beirarrúas en Xunqueiras, Moscoso, Pazos e Amoedo

RR_Noticias

A Consellería de Medio Ambiente, Territorio e Infraestruturas pon en marcha os traballos en diferentes núcleos do municipio de Pazos de Borbén nas estradas da rede secundaria que unen Redondela-Forzáns e Mondariz-Moscoso.

Os núcleos de Moscoso, Pazos e Amoedo atópanse nas marxes da PO-250 entre Redondela e Forzáns mentres que o núcleo de Xunqueiras pertence á estrada PO-252 Mondariz-Moscoso. As estradas obxecto desta actuación encádranse dentro da Rede Secundaria da Xunta de Galicia. A actuación, que foi adxudicada a través da Sociedade Pública de Investimentos (SPI) por 115.000 euros á empresa Construcións Cadevergazo, beneficiará a preto de 3.200 veciños e veciñas do municipio de Pazos. O prazo de execución dos traballos é de dous meses. O aumento de poboación nos núcleos sinalados xustifica a construción de beirarrúas en zonas onde antes non eran necesarias co fin de resolver os problemas de tráfico peonil e mellorar a seguridade viaria. Así, o proxecto describe as obras necesarias para a construción de beiravías así como as súas correspondentes canalizacións de pluviais sen alterar en absoluto o trazado nin o perfil dos viais existentes.As beirarrúas dotaranse de pasos rebaixados para o uso de minusválidos e calquera outro carriño de manual de uso habitual (carritos de compra ou de bebés). Ao mesmo tempo procederase a anular as gabias de augas pluviais existentes repoñéndose a recollida de augas con un sistema de tubería de formigón e os seus correspondentes pozos de rexistro e sumidoiros. As obras realizaranse sen necesidade de ocupación de terreos de titularidade privada, actuando sempre en terreos de dominio público.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *