Hoxe é Martes 11 de Maio de 2021

O BNG de Soutomaior insta ás administracións a previr os accidentes por mor das xeadas

RR_Noticias

Onte luns foron tres os sinistros que se rexistraron na estrada provincial EP-2901, que une Arcade e Amoedo, nas proximidades do castelo de Soutomaior por mor das placas de xeo que se forman neste tramo da vía, segundo denuncian os nacionalistas que instan ao goberno local a que active o protocolo contra as xeadas e inste ao resto das institucións competentes a que así o fagan para evitar máis accidentes nesta vía.

O BNG considera “inconcibible” que coñecendo as baixas temperaturas que se ían rexistrar nas últimas horas no concello nin a Deputación nin o goberno local tomasen as medidas precisas para frear as consecuencias negativas que teñen para a seguridade viaria as placas de xeo nas estradas, porén piden que se activen os protocolos de actuación e evitar máis accidentes como os da mañá de onte luns.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *