Hoxe é Luns 26 de Outubro de 2020

Fulano, Mengano e Citano na Disco Tasca Cultura

RR_Noticias

A sala continúa coa súa programación teatral, e hoxe xoves é a quenda deste trío de humor que presenta o seu espectáculo “Viva a Crise” a partires das 22.00 horas. O sábado continúa a programación cunha sesión infantil organizada polo Colectivo Tachán a partires das 17.30 horas, e para o público adulto sesión “golfa” con cabaret ás 23.00 horas.

Os xoves de teatro non rematan na Sala Disco Tasca. Este xoves ás 22:00 é o quenda de Fulano, Mengano e Citano con “Viva a Crise”. Paulo Medal, responsable da programación, explica que mentres aplican axustes, este trío teatral propón as menciñas máis efectivas contra este mal: pastillas de enxeño, xarope de humor e inxeccións de retranca. O prezo das entradas anticipadas é de 5€ (3€ socios Jamusinos) e na billeteira 6€ (4€ Jamusinos). A programación continúa o sábado, 29 con obradoiros, títeres e contacontos para tódolos públicos a partires das 17:30 . Obradoiro de malabares para nenos de tódalas idades e unha actuación do grupo Titereficciós coa representación de “Cantos Contos Contas!”, unha función de contacontos teatralizado con monicreques, música en directo e interpretación. Ás 23.00 comeza a sesión “golfa” para adultos, cun cabaret de comicidade que leva o título de “Homenaxe a Madame Brioche Gruyère” con actuacións das diferentes artistas que conforman este colectivo. As risas, orixinalidade e variedade desta proposta están aseguradas. O prezo das entradas na sesión infantil será de 4€ (por cada 2 ou máis nenos, 1 adulto gratis). Na sesión “golfa” será de 4€.

Paulo Medal organizador
A crise contada con humor e retranca.
Programación da sala
Os xoves teatrais continuarán en 2013 e Medal agarda seguir contando co respaldo do público.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *