Hoxe é Luns 26 de Outubro de 2020

Nadal para todos no C.S.D.C. Chan das Pipas

RR_Noticias

A Cultural de Saxamonde prepara actividades para toda a familia. O domingo recibirán a visita do Apalpador coa agasallos para os máis pequenos, tamén organizan varios obradoiros de pintura, papiroflexia e furoshiki, a festa de Fin de Ano e o Canto de Reis.

Paulo Jablonski explica que o obxectivo da asociación é facer unha programación “aberta a todos os públicos”. Durante as vacacións de Nadal o Centro Cultural será escenario de obradoiros, festas e animación. Como novidade este este domingo 23, ás 18:00, visitará Saxamonde o auténtico Apalpador que contará a súa historia e agasallará con presentes aos nenos e nenas que se acheguen. Os ensaios para o Canto de Reis serán os días 27 de decembro e 3 de xaneiro, unha tradición recupera en Saxamonde hai algo máis dunha década e que este ano incluirán cantigas recollidas no Cancioneiro de Casto Sampedro. O Centro programa tamén un obradoiro de Furoshiki, a arte xaponesa de envolver agasallos con teas, o día 27 de decembro, e outro de papiroflexia, o día 29. Tamén se organizan dous obradoiros de pintura para decorar a Biblioteca da Cultural, que pronto será inaugurada. Trátase dun espazo composto por libros cedidos por socios, colexios e particulares e decorado cun mural total pola artista redondelá Marta Cabaleiro. Nos obradoiros, pequenos e maiores, poderán completar a decoración da habitación e participar activamente na construción dese recuncho de cultura de Saxamonde. Serán os días 28 de decembro e 3 de xaneiro. Haberá tamén un videoforum infantil o día 30 de decembro coa proxección da película de Walt Disney “El Agujero Negro”, e a Festa de Fin de Ano para recibir ó 2013 a partires das 01.00 horas.  

Paulo Jablonski presidente
Unha das novidades será a chegada do Apalpador a Saxamonde.
Canto de Reis
A asociación prepara os ensaios para o Canto de Reis que incluirá temas recollidos no cantigueiro de Casto Sampedro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *