Hoxe é Sábado 15 de Maio de 2021

Obras en Chapela para mellorar seguridade

RR_Noticias

O esborralle dun noiro na estrada N-552 obrigou ao Ministerio de Fomento a reforzar a seguridade coa construción dun muro de contención. Os operarios comezaron onte os traballos, logo de as chuvias provocaran a caída dun talude de terra e pedras duns cinco metros de altura.

O servizo de Demarcación de Estradas, dependente de Fomento, iniciou onte os traballos para levantar un muro de contención e evitar novos derrubamentos. Os veciños da zona levaban meses advertindo do perigo deste talude, cun muro de pedras en moi mal estado. As obras, que xa estaban previstas, adiantáronse logo de que o temporal da pasada fin de semana provocara o esborralle do muro. Os traballos, no barrio de Xapón, obrigan a regular o tráfico na zona, con limitación de velocidade.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *