Hoxe é Mércores 28 de Outubro de 2020

A oposición reproba a xestión da concellería de Cultura

RR_Noticias

No pleno do mes de decembro AER presentou unha moción para a reprobación de Alberto Pazos “pola súa xestión” na concellería de Cultura, Turismo e Patrimonio. Os grupos de PSOE e BNG, que rexeitan tamén a política municipal nesta materia, fixeron extensiva a crítica a todo o goberno local e ó alcalde, como “máximo responsable” do Concello. O edil de Cultura enumerou “os logros” do seu departamento nos últimos 18 meses, con éxitos como o Entroido de Verán, o Ano Casto Sampedro ou o museo Meirande.

O concelleiro Jorge Varela, que presentou a reprobación, criticou a falta dunhas bases “obxectivas” para regular as subvencións ós colectivos do municipio, tal como piden as propias asociacións culturais. E lembrou unha vez máis o polémico “Lolapop”, festival que custou case 25.000 euros ás arcas municipais, e ó que asistiron so “unhas mil persoas”. Desde o BNG, Cecilia Pérez manifestou “non compartir a política cultural municipal”, pero evitou limitar a responsabilidade desa xestión a Alberto Pazos, e fíxoa extensiva ó resto do goberno do PP e en especial ó alcalde, Javier Bas, responsable último das políticas do Concello. Do mesmo xeito se expresou o voceiro do PSOE Luis Orge, que entende que “poñer o foco” en Alberto Pazos é “un erro”, xa que ao seu entender todo o goberno local é responsable. Pola súa banda o concelleiro Pazos Couñago fixo unha valoración positiva dos logros alcanzados na área de Cultura, Turismo e Patrimonio nestes 17 meses. Salientou en material cultural o Entroido de Verán, como o de maior éxito da historia, as melloras na Festa do Choco, a celebración do Ano Casto Sampedro, a Escola de Música de Chapela, o muso Meirande, ou o Festival Lareta. En canto ó Turismo salientou a apertura a promoción da illa de San Simón, coa visita de 5.500 persoas, e na xestión de Patrimonio Salientou a recuperación do Viaduto de Madrid, que comezará en breve, e a posta en valor dos restos arqueolóxicos de Monte Penide.  

Jorge Varela AER
A Agrupación de Electores reproba a xestión da concellería de Cultura.
Cecilia Pérez BNG
Os nacionalistas fan extensiva a crítica a todo o goberno municipal.
Luis Orge PSOE
Os socialistas fan extensiva a crítica a todo o goberno local.
Alberto Pazos PP
O edil de Cultura salienta os logros do seu departamento nos últimos 17 meses.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *