A proposta da Asociación de Empresarios de Redondela e Radio Turismo, procedeuse á elección do restaurante Bahía como o gañador deste ano da medalla ouro que entrega tradicionalmente a Confraría Gastronómica Luso-Galaico.
Antes do acto de entrega, desde o restaurante realizouse a transmisión en directo do programa ‘España 13 horas’, dirixido polo xornalista José Madrigal’. Na emisión comentáronse as excelencias gastronómicas da zona, os valores turísticos de Redondela e da enseada de San Simón. Seguidamente procedeuse a entrega dos galardóns ‘Prato de Ouro de Radio Turismo e Medalla de Ouro da Confraría Gastronímica Luso Galaica’ ao propietario do establecemento de hostalaría, Luís Martínez Gil e á súa esposa, Luisa Pérez Antón e cociñeira do restaurante. Ao acto asistiron representantes do Concello de Redondela, da Asociación de Empresarios, así como o Patrón Maior da Confraría de Redondela e outros moitos representantes de asociación e institucións, clientes e amigos.
