Hoxe é Martes 11 de Maio de 2021

A Xunta estuda ampliar a ponte de Julián

RR_Noticias

Técnicos da Consellería de Medio Ambiente, Territorio e Infraestruturas visitaron Redondela para estudar a situación na que se atopa esta infraestrutura, que une o centro urbano da vila coa parroquia de Reboreda pola estrada PO-250. Desde hai tres meses na beira da ponte faltan varias bloques por mor dun accidente de tráfico.

Os veciños da zona xa manifestaron en reiteradas ocasións o seu malestar polo risco que supón a situación da ponte, moi estreita, tanto para os condutores como para os peóns. Os representantes da consellería, que percorreron a zona acompañados polo alcalde, Javier Bas, e o concelleiro de Urbanismo, Arturo González, tamén analizaron posibles solucións para acometer un proxecto de ampliación da ponte. A mellora desta ponte xa foi abordada en novembro do pasado ano durante unha reunión en Santiago de Compostela entre o rexedor redondelán e o conselleiro de Medio Ambiente, Territorio e Infraestruturas, Agustín Hernández. Naquela ocasión, o responsable de Infraestruturas asegurou que o seu departamento estaba a traballar no proxecto de mellora da ampliación do viaduto co obxectivo de dotalo dunha anchura adecuada, e anunciou que esta actuación se priorizaría por parte da consellería “en función das dispoñibilidades orzamentarias”
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *