Hoxe é Luns 26 de Outubro de 2020

Cea solidaria a favor de DaMan

RR_Noticias

Este sábado a Rondalla de Redondela organiza unha cea solidaria no convento de Vilavella a favor da ONG redondelá DaMan. Esta organización galega para o desenvolvemento traballa tanto en países do terceiro mundo, como Senegal, como na propia bisbarra de Redondela, colaborando con familias, inmigrantes e persoas en situación de necesidade.

DaMan está dedicada ao traballo solidario, a axuda humanitaria e a cooperación en países en vías de desenvolvemento. O seu obxectivo en colaboración cos organismos, institucións e profesionais do propio país, é contribuír ao desenvolvemento humano e ao fortalecemento dos dereitos fundamentais das persoas. Pilar Martínez, presidenta da ONG, explica que os seus proxectos céntranse no ámbito da saúde e a educación, con programas de nutrición, atención sanitaria e a creación dunha escola. Para poder levar a cabo este traballo non só precisan do traballo voluntario e desinteresados dos colaboradores, senón tamén das doazóns particulares “de moita xente solidaria”. Martínez sinala que nestes tempos de crise “é preciso axudar ós máis febles”, e calquera contribución, por pequena que sexa, é ben recibida. Na cea que se organiza en Redondela presentarase unha proxección co traballo de DaMan en Senegal, e actuará a Rondalla de Redondela. O prezo da cea é de 25 euros, que inclúe un donativo para a organización, e as invitacións están á venda no Café da Vila.    

Pilar Martínez presidenta
A ONG traballa con programas de saúde e educación.
Colaboradores solidarios
A cea que se organiza o sábado en Vilavella é unha mostra máis da solidariedade dos veciños de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *