Hoxe é Domingo 18 de Abril de 2021

Redondela colabora cunha xornada de cooperativismo que se imparte en Soutomaior

RR_Noticias

A actividade está organizada pola Mancomunidade da Área Intermunicipal de Vigo en colaboración cos cCncellos de Redondela, Soutomaior, Fornelos de Montes e Pazos de Borben. A charla celebrarase o 23 de outubro e a inscrición está xa aberta.

Trátase dunha actividade formativa gratuíta e presencial que se vai celebrar no Centro Neural do Concello de Soutomaior. Está dirixida a persoas desempregadas, novos emprendedores, promotores de iniciativas de economía social e persoal das administracións públicas locais relacionados coas políticas de promoción económica e desenvolvemento local. Os organizadores entenden que as cooperativas constitúen “unha ferramenta e unha oportunidade para a xeración de emprego e riqueza”. E está demostrada a súa “capacidade de resistencia” nun entorno económico adverso como o actual. Nun taller de 3 horas de duración, que se vai desenvolver o día 23 de outubro de 2012, en horario de 10:30 a 13:30 horas. darase a coñecer a fórmula cooperativa como alternativa válida e viable para o emprego. Os interesados en participar poden cubrir o formulario que atoparán na páxina web do Concello de Redondela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *