O colectivo de Saxamonde inclúe como novidades as clases de violín e a colaboración coa Escola de Música de Chapela que ofrecerá un curso de solfa. Xunto con estas novidades, o Centro procura manter e reforzar a súa oferta na que destaca o inglés oral para cativos e adultos.
Outras ofertas para este curso 2012-2012 son as actividades dedicadas á música e o baile tradicional galegos. O aeróbic e a danza libre completan un amplo abano de posibilidades lúdicas e formativas. O obxectivo do Centro Social Chan das Pipas é abarcar “un amplo sector de idades e de intereses diferentes”, e as actividades están abertas tanto ás persoas socias da entidade como as non socias. En resumo, para o público infantil e xuvenil, teñena matrícula aberta en clases de baile, pandeireta e canto tradicionais, gaita, percusión tradicional, inglés oral, solfa e violín. Para o público adulto a oferta é: aeróbic, inglés oral, danza libre e baile tradicional. Este próximo venres, día 28, teñen programadas reunións para fixar os horarios de solfa, violín e percusión tradicional. As persoas interesadas poden pasar polo Centro para se informaren, ou chamar ós teléfonos teléfonos 667 646 327 (Eva) ou 672 014 402 (Concha).
