Hoxe é Xoves 25 de Febreiro de 2021

Un motorista de Redondela falece nun accidente no Corredor do Morrazo

RR_Noticias

O suceso produciuse no mesmo lugar no que morreron tres persoas en 2010. O piloto invadiu o carril contrario e chocou contra un camión, perdendo a vida no acto. A vítima, aparellador de profesión, é o undécimo falecido nesta vía nos últimos sete anos.

O falecido é José Antonio Cuntín Rial, de 51 anos, veciño do centro urbano de Redondela. O sinistro produciuse ás 12.30 horas de onte cando o motorista circulaba pola recta do Corredor en Meira, o mesmo punto no que faleceron tres persoas nun choque múltiple en xaneiro de 2010. O condutor da motocicleta invadiu o carril contrario e impactou frontalmente co camión. O motorista, que conducía unha Suzuki Burgman 400, faleceu no acto. O único ocupante do camión, modelo 1843 LS, freou bruscamente e a manobra fíxolle pasar ao carril contrario e chocar contra a barreira da ponte. O condutor foi excarcerado por efectivos dos Bombeiros do Morrazo e de Protección Civil nun complexo operativo. Estaba consciente pero con danos no brazo esquerdo e unha perna fracturada. A Garda Civil de Tráfico non determinou as causas do accidente. Algunhas testemuñas do accidente coinciden en que o falecido invadira o carril contrario, posiblemente por un descoido. Este é o primeiro sinistro con resultado de morte desde que a Xunta de Galicia mellorou a seguridade do viario, instalando pivotes e barreiras de formigón para evitar os cambios de carril.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *