Hoxe é Martes 15 de Xuño de 2021

A Consellería do Mar reforzará o control no interior da ría para protexer a veda do choco

RR_Noticias

A xunta estableceu por primeira vez unha veda para este cefalópodo na parte interna da Ría de Vigo, que se estenderá ata o 31 de outubro. Mar establece esta medida co obxectivo de protexer esta especie e facilitar a súa reprodución, co que pretenden mellorar a longo prazo as súas capturas.

A Consellería do Medio Rural e do Mar da así resposta á unha solicitude da Confraría de Pescadores de Redondela, que solicitou esta medida. A Xunta considera que se trata dunha medida de xestión axeitada para garantir a conservación do choco, cunha veda que abarca dende A Guía ata Arcade, dado que o cefalópodo se reproduce nesa zona. Tal e como establece a Lei de Pesca, as medidas de conservación e protección dos recursos establecidas para a pesca marítima profesional son aplicables á pesca marítima de recreo. Cabe destacar que se establecerá un sistema específico de vixilancia para controlar o cumprimento desta veda e evitar a acción furtiva. Precisamente a loita contra o furtivismo é unha das prioridades da Consellería do Medio Rural e do Mar, de cara á conservación dos recursos mariños. Durante os próximos meses reforzarase a vixilancia por parte da Consellería do Mar no interior da ría.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *