Hoxe é Mércores 28 de Outubro de 2020

Redondela, capital europea na custodia dos ríos

RR_Noticias

Mozos procedentes de Serbia, Macedonia e República Checa traballarán na recuperación do río Fondón xunto con voluntarios redondeláns. O obxectivo do programa é concienciar á sociedade da importancia de manter limpos e coidados os espazos fluviais.

O Concello de Redondela promove un programa de intercambio xuvenil internacional co obxectivo de reflexionar e actuar sobre os ríos. Entre os días 9 e 19 de setembro Redondela albergará mozos de Serbia, Macedonia e a República Checa que, xunto con outros de Redondela, poderán partillar experiencias e coñecementos sobre a materia. O programa de actividades inclúe a visita, avaliación e mellora do río Fondón, a organización de xogos e campañas de concienciación ambiental, unha visita á Illa de San Simón, formación en conservación de ríos, actividades de intercambio cultural e información sobre programas de intercambio xuvenil entre os diferentes países de Europa. O programa divídese en tres fases. A primeira, que se realiza actualmente, inclúe o traballo en rede entre os países participantes, a realización dun blog colectivo e a avaliación por parte de cada país participante dos ríos no seus lugares de orixe. Este traballo será posto en común na segunda fase, cando cheguen a Redondela os mozos, entre os días 9 e 19 de setembro, onde os voluntarios poderán compartir experiencias e coñecementos. A terceira fase centrarase na avaliación do proxecto. O programa está aberto á participación da mocidade redondelá. Quen teña interese en participar poderá dirixirse á páxina web do concello e cubrir un formulario de prescrición ata o día 21 de Agosto. As prazas para participar de forma plena no programa son limitadas: catro mozos ou mozas entre 18 e 25 anos e un mozo ou moza entre 26 e 30 anos de idade. Aquelas persoas interesadas en participar tamén nalgunha das actividades do programa poderán facelo. En colaboración coa cooperativa Trespés e entidades da República Checa, Serbia e Macedonia, o Concello recibiu unha axuda de 14.460 € do “Programa la Juventud en Acción” para organizar esta actividade. O concelleiro de Medio Ambiente, Miguel Ángel Álvarez, salienta que “o obxectivo principal deste intercambio é concienciar da importancia da conservación dos ríos”, identificar as súas principais ameazas e determinar actividades para a súa mellora.    

Miguel Ángel Álvarez concelleiro de Medio Ambiente
O programa divídese en varias fases.
Labor de concienciación
O concelleiro sinala que o obxectivo é sensibilizar á pobboación sobre a necesidade de coidar os ríos.
Actividades dos voluntarios
Os mozos realizarán un completo programa de actividades.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *