Hoxe é Martes 28 de Setembro de 2021
History
Stations
NOTHING FOUND!

O Servicio de emprego xestiona a preselección de candidatos para as prazas de socorristas

RR_Noticias

A achega de case 30.000 euros procedente da Consellería de Traballo e Benestar da Xunta de Galicia permitirá contratará durante un periodo de dous meses a un total de once operarios para traballar nas praias de Redondela. En concreto contratarase a 8 persoas para desenvolver traballos de socorrista e 3 patróns de embarcación.

Estas once persoas, 8 socorristas e 3 patróns de embarcación, serán os encargados de velar pola seguridades dos bañistas tanto na praia de Arealonga en Chapela como no areal de Cesantes.
De acordo coas bases que regulan a subvención, o Concello debe contratar a persoas que estean desempregadas e inscritas no Servizo Público de Emprego de Galicia como demandantes non ocupados e estar dispoñibles para o emprego,  para o cal se deberá presentar unha oferta de emprego para cada categoría profesional na oficina pública de emprego correspondente, que fará a selección de persoas a remitir ao Concello consonte cos criterios establecidos na devandita orde.
Á espera de que se conclúa o proceso de selección, estímase que os operarios poderían comezar a traballar na vindeira semana e que o servicio estaría operativo ata mediados do mes de setembro.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *