Hoxe é Martes 28 de Setembro de 2021
History
Stations
NOTHING FOUND!

Un ladrón logra escapar dun almacén en Chapela logo de verse acurralado pola policía

RR_Noticias

Tres patrullas da Policía Nacional e dúas das Policía Local tentaron sen éxito atrapar a un ladrón que entrara por unha fiestra nun almacén de froitos secos e snacks na Avenida de Redondela en Chapela. O individuo logrou escapar ao cerco policial, previsiblemente por unha fiestra traseira.

Os feitos producíanse na tarde do pasado sábado e provocaban unha gran expectación na zona -xusto en fronte das instalacións do xornal Faro de Vigo- polo importante despregue policial.
Eran aproximadamente ás 17:30 horas cando un veciño alertaba á policía de que un individuo acababa de instroducirse por unha fiestra no interior dunha nave situada na Avenida de Redondela dedicada ao almacenaxe e reparto de froitos secos e snacks. O presunto ladrón lograba entrar no inmoble logo de romper os vidros da fiestra cunha pedra e trepar ata ela axudándose dun camión que se atopaba aparcado diante do almacén.
Ata o lugar desprazáronse varias patrullas tanto da Policía Nacional de Vigo como da Policía Local de Redondela, cuxos axentes rodearon o almacén sen lograr atrapar o ladrón quen, previsiblemente, tería logrado fuxir por un ventanuco da parte posterior da nave.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *