O edil Alberto Pazos, en contestación a unha demanda da Agrupación de Electores de Redondela, asegura que se están a realizar xestións de control dende a administración local de cara a garantir que as obras do AVE que se están a facer en diferentes puntos do municipio afecten na menor medida do posible aos veciños das zonas afectadas.
A demanda chega dende AER, agrupación que asegura ter recibido numerosas queixas, procedentes na súa maior parte de veciños residentes na parroquia de Negros, de que se están a realizar traballos nas obras do tren de alta velocidade logo das oito da noite, hora límite que se establece para a conclusión dos traballos de cara a garantir o descanso nocturno. O edil Jorge Varela Chopi reclama ao concello que se incremente a vixilancia e que no caso de incumprimento se apliquen as sancións correspondente que van dos 9.000 ao 60.000 euros. En resposta a esta demanda, Pazos asegurou que xa se están a realizar esas tarefas de control e que non se están a producir incumprimentos.
Os populares aseguran que se están a controlar as obras do AVE para evitar que se cometan incumprimentos
As queixas débense a que os traballos continúan logo das 20:00 horas
