Hoxe é Luns 20 de Setembro de 2021
History
Stations
NOTHING FOUND!

Aitor Gómez e Yerai xogarán no Coruxo F.C.

RR_Noticias

Logo dunha espléndida temporada no C.D.Choco, os dous futbolistas veñen de fichar polo equipo vigués, que buscaba reforzos no ataque. Con 19 e 16 goles na pasada campaña, respectivamente, os dous xogadores eran pretendidos por varios equipos de categoría superior. Finalmente xogarán no Coruxo F.C., na Segunda B.

O C.D. Choco non conseguiu o seu ansiado ascenso a Terceira, pero algúns dos seus xogadores si que militarán a próxima temporada en ligas moi superiores. Logo da espléndida campaña do equipo redondelán foron moitos os equipos de categorías superiores os que se fixaron en xogadores do conxunto redondelán. É o caso de Aitor Gómez e Yerai Couñago, que veñen de ser fichados polo Coruxo F.C., de Segunda B. Ambos realizaron unha magnífica tempada baixo a tutela de Jacobo Montes, e a dirección técnica do club vigués seguíaos desde hai tempo. Aitor Gómez é un dianteiro de 26 anos que chegou ao Choco procedente do Alondras. Finalizou a campaña con 19 goles, cinco menos que máximo anotador do grupo da Preferente Sur, Adrián Camiño (Arousa). Yerai Couñago ten vinte anos e xoga de medio centro, cun claro perfil ofensivo. Acabou oitavo na clasificación de goleadores, con 16 tantos. Ás pretensións de equipos máis fortes sumouse tamén a delicada situación económica que atravesa o club redondelán. A próxima semana farase efectiva a dimisión da actual directiva, presidida por Cándido Mirou, e unha Xunta Xestora encabezada por Iván Crespo tomará as rendas do club.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *