Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

O PSOE rexeita a desaparición do partido xudicial de Redondela

RR_Noticias

O grupo municipal socialista teme que a modificación do deseño das plantas xudiciais en España aprobada polo Consello Xeral do Poder Xudicial o pasado 19 de abril supoña a desaparición do partido xudicial de Redondela. Por este motivo, presentarán unha moción no pleno do xoves demandando o apoio do resto dos grupo para instar aos goberno de Xunta e Estado a que non se dea validez algunha a dita proposta.

Afirman os socialistas que o 19 de Abril pasado, o Consello Xeral do Poder Xudicial “aprobou un documento sen validez xurídica algunha”, no que propón a modificación do deseño das plantas xudiciais en España que no caso galego suporía unha drástica redución dos partidos xudiciais actualmente existentes, pasando de 45 partidos a 13. Esta modificación da planta xudicial, segundo dita proposta, suporá a desaparición do partido xudicial de Redondela, polo que os socialistas están totalmente en contra da proposta.
Engaden dende o PSOE que a proposta do CXPX ademais de non resultar rendible dado o momento de dificultades económicas que estamos a sufrir (pois suporía a creación da grandes sedes xudiciais nas 13 demarcacións que propón para Galicia), non se axusta as características xeográficas nin sociais do noso pais, onde existe unha gran dispersión poboacional, e suporá que os cidadáns se teñan que desprazar a sedes xudiciais afastadas, coas correspondentes dificultades de mobilidade.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará