Hoxe é Domingo 6 de Decembro de 2020

Chapela fará fronte común ante os “insuficientes compromisos” do goberno coa parroquia

RR_Noticias

Os colectivos da parroquia reuniranse en asemblea o martes día 8 co obxectivo de elaborar un informe coas súas demandas. Non desbotan retomar un calendario de mobilizacións ante o que entenden falta de resposta por parte do concello ás súas necesidades.

Os veciños non desbotan volver saír a rúa como xa fixeran semanas atrás porque entenden que ese é o único xeito de obter unha resposta positiva as súas demandas. Así, lembran que as obras no Camiño do Subido estiveron paralizadas durante semanas ata que non trasladaron as súas reclamacións á rúa. Con todo, aseguran que a actuación realizada na zona “é insuficiente” xa que “se limitou a retirar uns tubos do camiño do Subido e a tapar algunhas fochancas” cando os veciños o que piden é unha actuación integral de adecentamento de toda a zona do Piñeiral. Logo da reunión celebrada na fin de semana xa teñen convocada unha nova asemblea para o martes 8 de maio,  na que se convocará a todos os colectivos da parroquia co obxectivo de facer unha fronte común e elaborar un informe coas demandas da parroquia que lle trasladarán ao goberno local. Nos desbotan ademais a posibilidade de elaborar un calendario de mobilizacións.  

Alberto Covelo veciño afectado
A actuación realizada na contorna do Multiusos é insuficiente ao entender dos veciños
Asemblea o 8 de maio
Reuniranse as asociacións da parroquia para elaborar un informe de necesidades

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *