Hoxe é Martes 27 de Outubro de 2020

Concerto de Invivo, Crying Wolves e A Cona Ye ye para elixir ó gañador do Millo Verde

RR_Noticias

A antiga feira do gando na Avenida Mendiño acolle este venres ás 22:30 horas a festa concerto na que os asistentes decidirán co seu voto cal dos tres grupos finalistas son merecedores de facerse co premio da V edición do concurso de maquetas que convoca a asociación Millo Verde. Actuará tamén fora de concurso o grupo redondelán RMS.

Moito rock é o que se vai escoitar este venres a partir das 22:30 horas na festa concerto que se vai desenvolver na antiga feira do gando. Unha actividade organizada polo colectivo Millo Verde  que serve para elixir ao que será o gañador do concurso de maquetas deste ano. Será o propio público asistente ao concerto o que decida co seu voto cal dos tres finalistas, que foron elixidos entre as 37 maquetas que se presentaron ao concurso, é o merecedor dos 300 euros do premio e de facerse co dereito a formar parte do festival que terá lugar os días 1 e 2 de xullo en Redondela. Diferentes estilos aínda que cunha base de rock é o que nos propoñen os grupos participantes, dende o transmetal de Invivo, ao punk rock de A Cona Ye ye pasando polo rock con raíces folk dos santiagueses Crying wolves. Ricardo Figueroa explicaba que a mecánica a seguir no concerto do venres será a mesma que en anos anteriores. Os espectadores pagarán dous euros por entrada o que lles dará dereito a voto así como a unha consumición gratuíta. As actuacións comezarán ás 22:30 e unha vez rematen os pases dos tres grupos a organización fará o reconto para coñecer quen é o gañador deste ano. Mentres os asistentes poderán gozar coa música dos redondeláns RMS, un grupo de recente creación con Juan Reyes ao baixo, Carlos Miguez á guitarra e Xoel L. Schwarz na batería que ofrecen un repertorio cargado de versións dos clásicos do rock entre os anos 60 e 80.  

Ricardo Figueroa MIllo Verde
Un concurso que dá dereito a participar no festival que a asociación fai no verán
Grupos finalistas
A final decidirase entre dous grupos de Santiago e un de Ordes
RMS grupo convidado
A música local estará tamén presente no concerto do venres

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *