Hoxe é Venres 30 de Outubro de 2020

O Choco encarrila unha recta final de liga “moi complicada” coa vista posta no ascenso

RR_Noticias

  Logo da remontada diante do Mondariz os redondeláns consolidan a segunda praza da liga. Este domingo viaxan a Portonovo para comezar un final de liga difícil. Agardan rivais como Barbadás, Céltiga e Arousa, que pelexan tamén polas prazas que dan opcións de ascenso. Un reto que equipo afronta en positivo, logo da inxección de moral que supuxo a remontada diante do Mondariz.  

Restan sete xornadas para rematar a liga, son aínda moitos puntos en xogo pero o Choco ten a determinación de conservar a segunda praza que ostenta. E fano coa convicción de ser un dos mellores equipos da liga, facendo bo xogo e sumando puntos. A remontada do pasado domingo diante do Mondariz é unha clara mostra da calidade do equipo. Malia comezar perdendo, os homes de Jacobo Montes fixeron unha espléndida segunda parte, anotando tres goles en oito minutos, e sentenciaron o partido. Para o adestrador esta vitoria, ademais dos tres puntos, supón unha “importante inxección de moral para os xogadores”, que son conscientes que malia comezar mal un partido, teñen capacidade de reaccionar e gañar. Montes destaca a calidade do xogo do Choco, que non baixa os brazos. A súa filosofía do fútbol leva ós adversarios a sufrir fisicamente, o que se nota logo nos últimos minutos de xogo, que é cando os redondeláns sentencian os partidos. Na próxima xornada enfróntanse ó Portonovo, unha saída “difícil”, segundo Montes, xa que logo do cambio de adestrador teñen mellorado o xogo, e seguen a loitar por asegurar a permanencia. Será unha das sete duras probas que o equipo teña que afrontar ata o remate da liga. O obxectivo de manter a segunda praza “non será doado”, xa que teñen o calendario en contra. Nesta recta final terán que medirse ó líder indiscutible, o Barbadás, e tamén ó Céltiga e Arousa, que loitan por engancharse ás prazas que dan opcións de ascenso.  

Jacobo Montes adestrador
O técnico salienta a calidade do xogo do equipo.
Portonovo-Choco
Montes asume que será un partido complicado no campo do Portonovo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *