Hoxe é Xoves 29 de Outubro de 2020

Nace Quefacer.com

RR_Noticias

De xeito gratuíto todos poderemos acceder a esta nova páxina web ben para anunciar as actividades que desexamos dar a coñecer ou ben para nos informar daqueles actos culturais ou deportivos que se desenvolven nunha zona ou local concreto. A presentación oficial de “quefacer.com” será o vindeiro xoves ás 19:00 horas no Multiusos da Xunqueira e a partir desa data estará completamente operativa.

Ramón Iglesias e Alberto Freaza son os dous emprendedores que están detrás desta idea, unha nova ferramenta en Internet que nace co obxecto de facilitar a promoción de eventos. O acceso a esta páxina de evento é ven sinxelo, tan só temos que teclear no buscador o enderezo www.quefacer.com e aí atoparemos todo tipo de actividade culturais, deportivas ou mesmo enderezos e direccións de locais interesantes aos que achegarnos no noso tempo de ocio. Tamén incluirá actividades organizadas dende a propia administración. O obxectivo segundo explican os seus creadores é converterse nun referente para todos aqueles que busquen algo que facer no seu tempo de ocio xa que “a día de hoxe non existe ningunha ferramenta semellante na rede”. Ademais o deseño da páxina permite incluír na busca unha serie de filtros para determinar o tipo de actividade que queremos atopar ou o lugar ou data onde esta se desenvolve, xa que o ámbito de acción pretende ser toda España. Freaza apunta que o interese comercial non está en ningún caso nos usuarios, que poderán acceder a quefacer.com de xeito gratuíto, senón que o seu obxectivo é financiarse como o fan outras redes tan coñecidas como facebook a través da inserción de publicidade. A páxina estará completamente operativa a partir do xoves, data na que se fará a presentación oficial ás 19:00 horas no Multiusos da Xunqueira. Unha cita aberta a todos os que queiran achegarse.    

Alberto Freaza Quefacer.com
Explica en qué consiste unha páxina de eventos
Un buscador gratuito
Os cartos chegarán se o buscador en éxito
Ramón Iglesias Quefacer.com
A inicitiva nace para dar resposta a unha demanda existente

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *