Hoxe é Martes 9 de Marzo de 2021

O BNG pregunta a Fomento polo futuro das autovías A-59 e A-57

RR_Noticias

Os nacionalistas lembran en relación a A-59 que o obxectivo da súa construcción é dotar a provincia dunha “autovía libre de peaxe, unha alternativa á ponte de Rande que é de pago”. Solicitan ao ministerio que concrete cales son as previsións de cara á construción de ambas as dúas vías.

A deputada do BNG no Congreso, Olaia Fernández Davila, rexistrou unha iniciativa parlamentaría na Cámara para preguntar ao Ministerio de Fomento cales son as previsións futuras respecto á construción das autovías A-57 e A-59.  Davila solicítalle a Fomento información sobre cal vai ser a opción elixida polo Ministerio e sobre cales son os prazos de execución de cada unha das infraestruturas.
Dende o BNG insisten en que “hai xa un ano trascendía nos medios de comunicación que o Ministerio de Fomento tería aprobado, de xeito provisional, e sometido a información pública todo o trazado da autovía A-59 entre Pontevedra e Vigo”. Un proxecto no que o Ministerio tería dividido o trazado en catro tramos e que tería dous carrís en casa sentido. Motivo polo que transcorrido este prazo entende que dende Fomento é tempo de concretar cales son as expectativas de cara á realización de cada unha das autovías “dado que son de grande interese para Pontevedra”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *