Hoxe é Xoves 21 de Xaneiro de 2021

O goberno estuda novas colocacións para a fonte luminosa “aparcada” en Pousadouro

RR_Noticias

Javier Bas asegura que xa se mantiveron conversas co escultor, Acisclo Manzano, para estudar a nova ubicación desta fonte luminosa. A escultura, na que o anterior goberno investira 54.000 euros, permanece tirada na parte traseira do pazos de Pousadouro logo de que o ex rexedor, Xaime Rei desbotara instalala na praza de Ribadavia, ante a oposición veciñal a que se retirara o farol que fai que popularmente a praza sexa coñecida como Praza da Farola.

A fonte luminosa con forma de pirámide triangular de seis metros de alto por dous metros de ancho na que o ex goberno presidido por Xaime Rei investira 54.000 euros “descansa” lonxe da súa ubicación prevista. A idea orixinal era instalar esta obra do escultor Acisclo Manzano na praza de Ribadavia, máis coñecida como praza da Farola. E foi precisamente a oposición veciñal a que se retirase do lugar o emblemático farol, o que levou ao ex rexedor a desbotar o emprazamento inicial semanas antes das anteriores eleccións municipais.
O alcalde Javier Bas confirmou na mañá de hoxe o interese do goberno local por instalar a escultura nalgún lugar destacado da vila. Neste sentido confirmou que xa mantiveron conversas co seu autor de cara a buscarlle a mellor ubicación posible. Bas apuntou que se están a estudar tres espazos alternativos á praza de Ribadavia, pero optou por non concretar á espera de adoptar a decisión definitiva.
A espera do seu futuro, a fonte en cuxos laterais se poden ver diversos gravados que representan á danza das espadas e que viría a completar ás outras dúas esculturas que se poden ver na Praza da Constitución e que recrean a danza das penlas, permanece tirada na zona traseira de Pousadouro.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *