Cada día do mes de xaneiro se sumaron ao paro tres redondeláns nun inicio de ano que foi nefasto en canto a datos de emprego se refire. En toda a comarca foron un total de 184 as persoas que quedaron sen emprego no primeiros 31 días do 2012, sendo o concello máis afectado o de Redondela con 96 novos desempregados.
A nosa comarca volveu experimentar no pasado mes de xaneiro un descenso notable no número de persoas con emprego, Así cada día incorporáronse ás listas do INEM unha media de 3 persoas en Redondela, ata chegar á cifra de 3.015 desempregados, 96 máis que no mes anterior e case 300 máis que hai un ano.
O comportamento é practicamente o mesmo no resto dos concellos da comarca, con incrementos en todos os casos. Así, en Soutomaior son 953 o número de desempregados que nos deixan os datos feitos públicos onte por Traballo, con 43 novas incorporacións mentres que en Pazos de Borbén o incremento cífrase en 36 persoas, situándose a cifra total do paro en 468. Menos incremento atopamos en Fornelos de Montes, cun cómputo total de 274 desempregados, nove máis que no final do 2011.
