Hoxe é Xoves 29 de Xullo de 2021

Responsables de Fomento visitan as obras do AVE para dar resposta as queixas veciñais

RR_Noticias

O responsable do ministerio de Fomento, José Miguel Monteagudo, e o concelleiro de Vías e obras, Cándido Vilaboa visitan na mañá de hoxe as obras do AVE ao seu paso por Cesantes, Reboreda e Quintela para coñecer de primeira man os prexuízos que esta actuación está a causar nas parroquias afectadas. Onte un novo vertido tinguía a canle do río Maceiras.

A visita que durante a mañá de hoxe están a realizar os técnicos de Fomento aos lugares e parroquias afectadas polas obras do AVE, prodúcese logo de que os responsables do Concello se reunisen nas últimas semanas coas asociacións de afectados e colectivos veciñais para coñecer as incidencias e prexuízos que padecen os que viven preto das obras. Unha queixas que se concretan no incremento de po, tráfico pesado e ruído, así como denuncias en torno aos mananciais que se viron afectados polas obras e a non reposición de accesos a camiños veciñais. Vertidos ao MaceirasOutras das queixas máis recorrentes dende que se iniciaran os traballos son os reiterados vertidos que de xeito periódico afectan aos ríos Alvedosa e Maceiras. Así, na xornada de onte producíase novamente un vertido a este último río, un vertido que tinguía a súa canle de cor branca. A denuncia chegou á policía local quen procedeu a recoller mostras da auga para a súa posterior análise, que concluíu que o vertido non era contaminante. Unha vez máis todo apunta a que se tratase dalgún vertidos procedente das obras do tren de alta velocidade, aínda que dende a Policía apuntan que “este feito non puido ser constatado”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *