Hoxe é Sábado 28 de Novembro de 2020

A crise deixará en Redondela unhas festas de Nadal “sen grandes excesos”

RR_Noticias

As festas de Nadal, Aninovo e Reis supoñen sempre gastos “extra” para as economías familiares, e en tempos de crise serán moitas as que teñan que facer “axustes”. Para os agasallos a xente elixe produtos “económicos e prácticos, e as celebracións faranse con comidas “sen grandes luxos”, evitando peixes e mariscos caros. Algo que xa notan na Praza de Abastos de Redondela, onde as peixeiras cifran a caída das ventas nun 50%.

Segundo a a Federación de Usuarios e Consumidores cada galego gastará de media 510 euros nestas festas, un 20% menos que o ano pasado. En Redondela os veciños aseguran que non chegarán a esas cifras, porque este ano as cousas “non están para moitos gastos”. Nieves, que ten un negocio de cortinas na vila, explica que na sá súa casa recortaranse os gastos, e que non farán “excesos” nin nas ceas destas festas nin tampouco nos agasallos. Pedro tamén explica que nestas datas “hai que cortarse en todo”, porque ademais todo está “moi caro”. A cesta da compra subiu, e os salarios baixaron, e tendo en conta ademais o que se incrementou o paro, moitas familias non estarán en disposición de facer grandes gastos nestas festas. Para Joaquín o importante é pasar estas datas “en familia”, e festexar o Nadal, aínda que sexa “con menos luxos”. Para axustar os orzamentos familiares os consumidores optan por mercar produtos máis económicos, e iso nótase na Praza de Abastos de Redondela, onde hai meses que se rexistra unha importante caída do negocio. Peixeiras como Peregrina ou Alba lamentan que cada vez vai menos xente a mercar, e cifran a redución das ventas nun 50% con respecto ó ano pasado. Vendedoras como Carmen ou Pura entenden que o prezo do peixe e marisco “é elevado” polo que cada vez menos xente se pode permitir ese luxo. Especies como o linguado ou rape escapan do alcalde da maioría das familias, que optan mellor por outros peixes máis económicos, como o xurelo ou o chinco, “aínda que tampouco se venden moito”. Hai xa anos que as peixeiras desta praza non reciben volumes importantes de encargos de marisco e peixe para as festas de Nadal, e auguran unhas festas “con poucas ventas”.  

Nieves comerciante
Na casa desta veciña serán unhas festas sen gastos excesivos.
Joaquín veciño
Este veciño non renuncia a celebrar o Nadal pero farano recortando os gastos.
Peregrina peixeira
Na Praza de Abastos de Redondela as ventas reducíronse un 50%
Poucas ventas
As peixeiras auguran malas ventas para o Nadal desde hai meses que a crise afecta á venta de peixe e marisco.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *