Reducir entre unha e dúas tallas de cintura e evitar patoloxías relacionadas coa columna vertebral ou as perdas urinarias, son algunhas das vantaxes que nos promete o método hipopresivo. Un xeito diferente de practicar ximnasia que chega a Soutomaior da man da Concellería da Muller.
O método hipopresivo naceu logo de comprobarse que os exercicios tradicionais que se practicaban para reducir ventre e cintura e, sobre todo, para lograr uns abdominais firmes e robustos podían provocar prexuízos importantes, favorecendo por exemplo a aparición de patoloxías relacionadas co aumento da presión na zona da pelve que pode aumentar o risco de incontinencia urinaria. Como resposta á ximnasia tradicional nace o método hipopresivo. Segundo explica un Tamara Rial, licenciada en ciencias da actividade física e deporte e monitora do método, trátase dun conxunto de técnicas empregas para obter solucións precisamente en patoloxías tales como as perdas de ouriño, as dores de costas e a recuperación post-parto. Un conxunto de exercicios que melloran tamén o rendemento deportivo e a tonificación do abdome. Unha melloras que se estenden aos aspectos estéticos, xa que a súa practica permitirá reducir o perímetro da cintura chegando a perder entre unha e dúas tallas. Os especialistas estiman que os seus efectos positivos poden apreciarse logo de 14 semanas de práctica continua. Unha actividade física aconsellada a practicamente toda a poboación, exceptuando a mulleres embarazas ou xestantes e a aquelas persoas que padecen hipertensión. O prazo de inscrición para participar remata o venres día 28. Os interesados poden formalizar a súa inscrición no CIM de Soutomaior no Multiusos de Arcade ou no teléfono 986 701227.
Unha ximnasia que nace como reacción aos abdominais tradiconais
Técnicas empregadas polos profesionais da saúde e o deporte
Uns efectos que dependerán da constancia e tamén do estado previo da persoa
