Hoxe é Xoves 16 de Setembro de 2021

O Choco gaña en Ribadumia nunha xornada con bos resultados en todas as categorías do fútbol

RR_Noticias

Os de Jacobo Montes venceron por 1-2 no campo de A Senra nunha xornada na que predominaron os bos resultados dos equipos comarcais nas diferentes categorías. Na Primeira Autonómica o Chapela gañou en Marín e na Segunda o Arcade empatou co Bahía. Na Terceira Autonómica vitorias e empates para os equipos da bisbarra.

Preferente Autonómica

Ribadumia 1-2 Choco
Foi o primeiro partido no que o Ribadumia deixou escapar os tres puntos do campo de A Senra, e é que os locais non puideron co bo xogo dos de Jacobo Montes. Con Aitor Gómez como protagonista, o Choco dominou o partido. O xogador anotou o primeiro gol do encontro no minuto 22 cunha vaselina coa que bateu a Moncho,o porteiro local. Pero o Ribadumia tamén se achegaba á meta de Cortegoso con perigo, e no minuto 37 Dani conseguiu a igualada. Xa na segunda parte os locais foron con máis decisión a buscar a vitoria, e tiveron varias oportunidades, aínda que se acerto. O Choco aproveitou mellor as súas ocasións, e Aitor Gómez anotou o 1-2 no minuto 51 grazas a un rápido contragolpe. Esta vitoria leva ós redondeláns ata a 5ª praza da clasificación. Na próxima xornada reciben en Santa Mariña ó Nigrán, da parte baixa da táboa.
Primeira Autonómica
Sp. Marín 1-3 Chapela
O Chapela volveu constatar a tendencia desta temporada, e é o feito de que suma máis puntos lonxe da casa que no seu campo. Volveu pasar en Marín, onde se impuxeron con claridade ós locais por 1-3. Os tres puntos levan ó Chapela á 9ª praza do grupo. O domingo recibirán na casa ó Grove, un dos equipos fortes deste campionato, actualmente 2º clasificado.
Segunda Autonómica
Arcade 2-2 Bahía
Reparto de puntos no campo do Arcade, un resultado que os deixa na metade da táboa. O domingo xogarán no campo de A Lama, un dos equipos da parte baixa da clasificación.
Terceira Autonómica
Chapela 0-0 Sampaio
Os de Chapela mantivéronse firmes e aguantaron o tirón dun dos equipos máis fortes do grupo nun encontro que rematou sen goles. Con todo o empate non é suficiente para saír da parte baixa da táboa. O domingo xogarán no campo do Balaídos.
Choco 1-1 Alcabre
Reparto de puntos no partido do Choco, nun encontro que puido resultar mellor para os redondeláns, xa que ían gañando e foi un gol en propia porta o que lle deu o empate ós vigueses. O Choco segue na metade da táboa. O domingo xogan no campo do Sampaio, segundo do grupo.
At. Vilar 2-1 Oiense
O Vilar escala ata a parte alta da táboa logo da vitoria diante do Oiense. O domingo xogan no campo do San Salvador, da metade da clasificación.
Nespereira 3-1 Crecentense
Partido moi animado o do Nespereira, entre dous dos equipos que loitan polo ascenso. E aínda que o Crecentense se adiantou de penalti, os locais remontaron na primeira metade e sentenciaron o encontro na segunda. Están agora na metade da táboa, e a próxima xornada xogarán no campo do Ponteareas.
Salcedo 1-1 Cesantes
O Cesantes comezou a liga no grupo-16 cun empate no campo do Salcedo, e a próxima fin de semana descansa.
Soutomaior 3-1 Praderrei
O Soutomaior comezou con forza a liga nun partido no que anotaron Santi, Víctor e Naya, mentres que Alberto foi o autor do único gol dos visitantes. A vitoria déixaos na parte alta da táboa, e o domingo xogarán no campo do Santomé.
Futbol Sala Autonómica Sur
Redondela F.S. 2-6 Redovigo-Mos
Os de Manoliño non puideron co equipo de Mos, que se amosou moi superior na pista redondelá. O equipo sitúase na metade da táboa, e o sábado xogarán na pista do Abetos, 5º clasificado.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *