Hoxe é Domingo 25 de Outubro de 2020

Igualdade ensina a mellorar a comunicación no ámbito familiar e previr a violencia

RR_Noticias

Os obradoiros que xa arrancaron en Trasmañó, O Viso e Chapela continúan esta semana: hoxe ás 16:00 horas no Centro Cultural de Cesantes, mañá no Multiusos da Xunqueira e o venres en Cedeira. Dende a Concellería animan aos veciños a asistir e poñer en común vivencias que serven para reflexionar de xeito positivo sobre os conflitos familiares.

Previr a violencia e visibilizar as situacións que poden dar lugar a episodios de tensión dentro das familias son os obxectivos principais destes obradoiros organizados pola Concellería de Servizos Sociais, Muller e Igualdade e cofinanciados pola Unión Europea, a través do Fondo Europeo de Pesca, o Ministerio de Medio Ambiente e Medio Rural e Mariño, a Consellería do Mar e o Grupo de Acción Costeira GAC 7. Os obradoiros, que se están a impartir nas parroquias de Trasmañó, o Viso e Chapela e que hoxe arrancan no centro cultural de Cesantes, teñen unha duración de seis horas repartidas en dúas sesións. Un tempo que lles serve aos asistentes para reflexionar sobre a violencia no seo familiar, identificando as distintas formas de violencia que se poden manifestar no contorno familiar ou máis próximo. A psicóloga encargada de conducir o obradoiro achégalles aos participantes ferramentas para mellorar os momentos de tensións que se poden producir dentro da familia e como afrontalos para chegar a unha solución satisfactoria. Ademais tentan incidir na sensibilización deste problema que afecta a todo tipo de estruturas familiares, e tratan de facer visible o compromiso que dende as administracións se está a facer para evitar e previr estas condutas, así como levar axuda e información a quen a precisa. E para facelo nada mellor que animar aos asistentes a que poñan en comúns as súas vivencias que serven para reflexionar dun xeito positivo sobre as situacións de tensión que se dan en todas as unidades familiares O curso que arranca hoxe en Cesantes as 16:00 horas, desenvolverase tamén mañá no mesmo horario no Multiusos da Xunqueira e o venres en Cedeira.  

Mª Jesús Bendaña Aula Sísifo
A coordinadora dos obradoiros anima aos veciños a asistir
Obradoiros dinámicos
Compartir experiencias serve para reflexionar en positivo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *